Serat Wulangreh
Gambar Bukune
Kaca
꧇꧔꧒꧇
ꦭꦤ꧀ꦲꦤꦶꦠꦶꦃ꧈ ꦢꦶꦥꦺꦴꦁꦒꦱꦠꦸꦫꦸꦤ꧀ꦤꦶꦥꦸꦤ꧀꧈ ꦯꦸꦟꦤ꧀ꦦꦿꦨꦸꦩꦁ
ꦑꦸꦫꦠ꧀꧈ ꦮꦊꦂꦩꦿꦶꦁꦱꦠꦸꦫꦸꦤ꧀ꦤꦺꦏꦶ꧈ ꦠꦤ꧀ꦭꦶꦤꦶꦭꦤ꧀ꦔꦸꦗꦸꦁꦲꦱ꧀ꦠꦤꦲꦶꦁ
ꦨꦼꦠꦃ꧉ ꧄ ꦭꦮꦤ꧀ꦠꦤ꧀ꦏꦼꦤꦔꦁꦒꦺꦴꦮ꧈ ꦝꦸꦮꦸꦁꦱꦫꦸꦔꦤ꧀ꦠꦤ꧀ꦩꦮꦶ꧈
ꦏꦤ꧀ꦢꦼꦭ꧀ꦭꦤ꧀ꦪꦺꦤ꧀ꦤꦶꦠꦶꦃꦏꦸꦢ꧈ ꦏꦧꦺꦃꦲꦗꦤꦒꦸꦩꦩ꧀ꦥꦶꦭ꧀꧈ ꦤꦼꦫ
ꦏ꧀ꦮꦮꦊꦂꦤꦺꦏꦶ꧈ ꦥꦸꦤꦶꦏꦸꦥꦿꦱꦥꦤ꧀ꦤꦶꦥꦸꦤ꧀꧈ ꦤꦼꦁꦒꦶꦃꦗꦼꦁꦯꦸꦯꦸ
ꦟꦤ꧀꧈ ꦦꦑꦸꦨꦸꦮꦟꦥꦶꦁꦏꦭꦶꦃ꧈ ꦩꦿꦶꦁꦱꦠꦼꦝꦏ꧀ꦠꦸꦫꦸꦤ꧀ꦤꦶꦫꦭꦶꦤ
ꦫꦁꦔꦤ꧀꧉ ꧄ ꦩꦔꦤꦲꦥꦾꦸꦤ꧀ꦲꦺꦴꦫꦏꦼꦤ꧈ ꦱꦶꦤꦼꦫꦺ
ꦠ꧀ꦠꦤ꧀ꦢꦺꦤ꧀ꦭꦶꦭꦤ꧀ꦤꦶ꧈ ꦲꦶꦔꦸꦤ꧀ꦠꦭ꧀ꦥꦤ꧀ꦭꦶꦤꦫꦁꦔꦤ꧀꧈ ꦱꦥꦏꦁꦥꦣꦔ꧀ꦭꦏ
ꦏꦺꦴꦤ꧀ꦤꦶ꧈ ꦤꦼꦫꦗꦁꦮꦊꦂꦤꦺꦏꦶ꧈ ꦪꦼꦤ꧀ꦔꦤ꧀ꦠꦶꦏꦊꦧꦺꦴꦤ꧀ꦲꦥꦾꦸ
ꦤ꧀꧈ ꦥꦤ꧀ꦏꦼꦤꦲꦶꦁꦥꦿꦱꦥ꧈ ꦗꦶꦤꦧꦏ꧀ꦏꦼꦤ꧀ꦠꦼꦣꦏ꧀ꦤꦺꦏꦶ꧈ ꦗꦼꦁꦯꦶꦟꦸ
ꦲꦸꦤ꧀ꦲꦶꦁꦏꦁꦱꦶꦤꦫꦺꦔ꧀ꦭꦑꦸꦁꦔꦤ ꧄ ꦥꦿꦱꦥꦏꦁꦗꦼꦁꦯꦸꦯꦸꦟ
ꦤ꧀꧈ ꦦꦑꦸꦨꦸꦮꦟꦏꦥꦶꦁꦠꦿꦶ꧈ ꦩꦿꦶꦁꦱꦠꦼꦝꦏ꧀ꦠꦸꦫꦸꦤ꧀ꦤꦶꦫ꧈ ꦩꦥꦤ꧀ꦠ
ꦠꦤ꧀ꦢꦺꦤ꧀ꦭꦶꦭꦤ꧀ꦤꦶ꧈ ꦲꦒꦮꦺꦲꦤ꧀ꦢꦼꦭ꧀ꦲꦸꦒꦶ꧈ ꦮꦺꦴꦁꦏꦁꦱꦺꦗꦺ
ꦗꦶꦤꦶꦱ꧀ꦱꦶꦥꦸꦤ꧀꧈ ꦥꦸꦤꦶꦏꦸꦭꦶꦤꦫꦁꦔꦤ꧀꧈ ꦲꦤꦏ꧀ꦥꦸꦠꦸꦮꦸꦫꦶꦮꦸ
ꦫꦶ꧈ ꦲꦗꦲꦤꦮꦤꦶꦤꦼꦫꦗꦁꦥꦿꦱꦥ꧉ ꧄ ꦢꦺꦤꦺꦠꦱꦶꦫꦶ
ꦏ꧀ꦏꦤ꧀ꦤꦶꦫ꧈ ꦪꦺꦤ꧀ꦠꦼꦣꦏ꧀ꦏꦺꦢꦼꦩꦏ꧀ꦲꦸꦒꦶ꧈ ꦥꦔꦁꦒꦺꦮꦸꦭꦸꦁꦠꦤ꧀ꦏꦼ
ꦤ꧈ ꦭꦮꦤ꧀ꦠꦲꦚꦶꦫꦶꦏ꧀ꦩꦭꦶꦃ꧈ ꦧꦼꦧꦼꦢ꧀ꦭꦺꦴꦤ꧀ꦛꦁꦠꦤ꧀ꦏꦼꦤ꧈ ꦏꦭ
ꦩꦸꦤ꧀ꦠꦼꦝꦏ꧀ꦩꦢꦶꦪꦸꦤ꧀꧈ ꦭꦤ꧀ꦥꦪꦸꦁꦝꦤ꧀ꦝꦤ꧀ꦲꦧꦁ꧈ ꦠꦼꦝꦏ꧀ꦩꦢꦸꦫ
ꦠꦤ꧀ꦏꦼꦤꦶ꧈ ꦔꦁꦒꦺꦴꦥꦺꦴꦭꦺꦁꦭꦤ꧀ꦧꦛꦶꦏ꧀ꦏꦤ꧀ꦥꦫꦁ꧀ꦫꦸꦰꦏ꧀꧉ ꧄
diketik kembali oleh kenangagus