Serat Wulangreh
Gambar Bukune
Kaca
꧇꧔꧓꧇
꧄ ꦮꦺꦴꦤ꧀ꦠꦼꦤ꧀ꦮꦊꦂꦏꦭꦶꦮꦠ꧀ꦠꦤ꧀꧈ ꦱꦏꦶꦁꦭꦸꦭꦸꦲꦸꦂꦲꦶꦁꦏꦁꦝꦶꦔꦶꦤ꧀꧈
ꦭꦶꦤꦫꦁꦔꦤ꧀ꦲꦔꦩ꧀ꦧꦃꦲ꧈ ꦮꦤꦑꦽꦟ꧀ꦝꦮꦲꦤꦺꦏꦶ꧈ ꦢꦺꦤꦺꦲꦶꦁ
ꦏꦁꦩꦊꦂꦫꦶ꧈ ꦯꦁꦢꦟꦚ꧀ꦗꦪꦲꦶꦁꦮꦲꦸ꧈ ꦭꦤ꧀ꦩꦭꦶꦃꦮꦶꦤꦊꦂꦫꦤ꧀꧈
ꦏꦧꦺꦃꦠꦼꦣꦲꦏ꧀ꦏꦶꦁꦩꦡꦮꦶꦱ꧀꧈ ꦪꦺꦤ꧀ꦢꦺꦴꦢꦺꦴꦭꦤ꧀ꦲꦶꦁꦮꦤꦭꦩꦶ
ꦠꦤ꧀ꦏꦼꦤ꧉ ꧄ ꦠꦼꦣꦏꦲꦶꦁꦑꦸꦢꦸꦱ꧀ꦠꦤ꧀ꦏꦼꦤ꧈ ꦲꦣꦲꦂꦫꦢꦒꦶꦁꦱ
ꦥꦶ꧈ ꦠꦼꦝꦏꦲꦶꦁꦯꦸꦩꦼꦤꦼꦥ꧀ꦲꦶꦁꦏꦁ꧈ ꦤꦺꦴꦫꦏꦼꦤꦲꦗꦁꦥꦶꦫꦶꦁ꧈
ꦮꦠꦸꦠꦤ꧀ꦢꦺꦤ꧀ꦭꦶꦭꦤ꧀ꦤꦶ꧈ ꦣꦲꦂꦏꦶꦢꦁꦢꦒꦶꦁꦔꦶꦥꦸꦤ꧀꧈ ꦩꦥꦤ꧀ꦠꦭꦶꦤ
ꦫꦁꦔꦤ꧀꧈ ꦒꦺꦴꦝꦺꦴꦁꦥꦼꦭꦱꦏꦶꦤꦂꦢꦶ꧈ ꦲꦗꦁꦩꦔꦤ꧀ꦥꦤ꧀ꦥꦸꦤꦶ
ꦏꦸꦤꦺꦴꦫꦏꦼꦤ꧉ ꧄ ꦏꦧꦺꦃꦲꦤꦏ꧀ꦥꦸꦠꦸꦲꦩ꧀ꦧ꧈ ꦲꦺ
ꦭꦶꦁꦲꦺꦭꦶꦁꦲꦪ꧀ꦮꦭꦭꦶ꧈ ꦥꦿꦱꦥꦏꦁꦏꦸꦤꦏꦸꦤ꧈ ꦮꦊꦂꦫꦺꦭꦸ
ꦭꦸꦲꦸꦂꦣꦶꦔꦶꦤ꧀꧈ ꦲꦺꦱ꧀ꦠꦺꦴꦏ꧀ꦤꦗꦿꦺꦴꦤ꧀ꦤꦶꦁꦲꦠꦶ꧈ ꦲꦗꦔꦤ꧀ꦠꦶꦤꦼꦩꦸꦢꦸ
ꦢꦸ꧈ ꦭꦩꦸꦤ꧀ꦮꦤꦶꦲꦤꦼꦫꦏ꧀꧈ ꦥꦰ꧀ꦛꦶꦠꦤ꧀ꦩꦁꦒꦶꦃꦧꦱꦸꦏꦶ꧈ ꦯꦶꦤꦺꦴ
ꦩ꧀ꦱꦭꦶꦤ꧀ꦒꦸꦫꦶꦰꦲꦶꦁꦏꦁꦲꦠꦺꦴꦩ꧀ꦥ꧉ ꧅ ꧉ ꦟ꧀ꦢꦿ ꧉ ꧅ ꦲ
ꦤꦏ꧀ꦥꦸꦠꦸꦲꦺꦱ꧀ꦠꦺꦴꦏ꧀ꦲꦼꦤ꧈ ꦮꦫꦃꦮꦸꦫꦸꦏ꧀ꦏꦺꦱꦶꦧꦥ꧈ ꦲ
ꦗꦤꦲꦶꦁꦏꦁꦱꦼꦩ꧀ꦧꦿꦤ꧈ ꦩꦫꦁꦮꦸꦫꦸꦏ꧀ꦏꦺꦮꦺꦴꦁꦠꦸꦮ꧈ ꦲꦶꦁꦭꦲꦶꦂ꧇
ꦧꦠꦶꦤ꧀ꦢꦺꦤ꧀ꦧꦶꦱ꧈ ꦲꦔꦁꦒꦺꦴꦮꦸꦫꦸꦏ꧀ꦏꦶꦁꦧꦥ꧈ ꦲꦶꦁꦠꦾꦱ꧀ꦢꦺꦤ꧀ꦥ
ꦣꦱꦤ꧀ꦠꦺꦴꦱ꧈ ꦠꦼꦒꦸꦃꦲꦼꦤꦺꦴꦗꦿꦺꦴꦤ꧀ꦤꦶꦁꦤꦭ꧉ ꧄ ꦲꦗꦤꦏꦸ
ꦫꦁꦥꦤꦿꦶꦩ꧈ ꦲꦶꦁꦥꦥꦰ꧀ꦛꦼꦤ꧀ꦤꦶꦁꦱꦫꦶꦫ꧈ ꦪꦺꦤ꧀ꦱꦏꦶꦁꦲꦾꦁꦩꦲꦩꦸ
ꦭꦾ꧈ ꦤꦶꦠꦃꦏꦼꦤꦲꦶꦁꦧꦢꦤ꧀ꦤꦶꦫ꧈ ꦭꦮꦤ꧀ꦢꦶꦥꦸꦤ꧀ꦲꦮꦱ꧀ꦲꦸꦒ꧈
diketik kembali oleh kenangagus