Serat Wulangreh
Gambar Bukune
Kaca
꧇꧑꧕꧇
ꦭꦤꦺꦮꦗꦶꦧ꧀ꦱꦶꦤꦼꦩ꧀ꦧꦃ꧈ ꧄ ꦏꦶꦤꦂꦱꦏ꧀ꦏꦼꦤ꧀ꦩꦫꦶꦁꦪꦾꦁꦲꦶꦁꦏꦁꦭꦶꦤꦸ
ꦮꦶꦃ꧈ ꦏꦶꦤꦂꦪꦭꦤ꧀ꦠꦂꦫꦤ꧀ꦲꦤꦲꦶꦁꦢꦸꦚꦥꦸꦤꦶꦏꦶ꧈ꦮꦿꦸꦃꦲꦶꦁꦧꦼꦕꦶ
ꦏ꧀ꦭꦮꦤ꧀ꦲꦭ꧈ ꧄ ꦱꦏꦶꦁꦲꦶꦧꦸ꧇ꦫꦩꦩꦂꦒꦤ꧀ꦤꦺꦲꦸꦢꦤꦶ꧈ꦩꦶꦭ
ꦩꦫꦠꦸꦮ꧈ ꦭꦤꦁ꧇ꦮꦢꦺꦴꦤ꧀ꦢꦤ꧀ꦧꦼꦏ꧀ꦠꦺꦤ꧀ꦤꦶ꧈ ꦲꦮꦼꦃꦫꦱꦲꦶꦁꦏꦁ
ꦚꦠ꧈ ꧄ ꦱꦗꦠꦶꦤ꧀ꦤꦺꦫꦱꦏꦁꦩꦼꦚ꧀ꦕꦂꦏꦼꦤ꧀ꦮꦶꦗꦶ꧈ꦱꦼꦩ꧀ꦧꦃꦏꦥꦶꦁ
ꦠꦶꦒ꧈ꦩꦿꦶꦁꦱꦢꦸꦭꦸꦂꦠꦸꦮꦲꦸꦒꦶ꧈ꦩꦸꦭꦤ꧀ꦤꦺꦱꦢꦸꦭꦸꦂꦠꦸꦮ꧈ ꧄
ꦥꦤ꧀ꦱꦶꦤꦼꦩ꧀ꦧꦃꦒꦼꦒꦼꦤ꧀ꦠꦶꦤ꧀ꦤꦶꦁꦧꦥꦲꦶꦏꦶ꧈ꦱꦱꦶꦂꦤꦤ꧀ꦤꦶꦁꦧꦥ꧈ꦱꦢꦸꦭꦸꦂ
ꦠꦸꦮꦒꦸꦩꦤ꧀ꦠꦶ꧈ꦲꦶꦁꦏꦁꦥꦤ꧀ꦠꦼꦱ꧀ꦱꦶꦫꦤꦸꦠ꧀ꦠ꧈ ꧄ ꦲꦶꦁꦱꦮꦫꦃꦮꦸ
ꦫꦸꦏ꧀ꦏꦺꦲꦶꦁꦏꦁꦥꦿꦪꦺꦴꦒꦶ꧈ꦱꦼꦩ꧀ꦧꦃꦏꦁꦏꦥꦶꦁꦥꦠ꧀ꦪꦩꦫꦁꦒꦸꦫꦸ
ꦱꦪꦼꦏ꧀ꦠꦶ꧈ꦩꦂꦩꦤ꧀ꦤꦺꦒꦸꦫꦸꦱꦶꦤꦼꦩ꧀ꦧꦃ꧈ ꧄ ꦲꦶꦁꦏꦁꦠꦸꦢꦸꦃꦩꦫꦁ
ꦱꦩ꧀ꦥꦸꦂꦤꦤ꧀ꦤꦶꦁꦲꦸꦫꦶꦥ꧀ꦠꦸꦩꦼꦏꦺꦁꦲꦤ꧀ꦠꦏ꧈ ꦩꦝꦁꦏꦼꦤ꧀ꦥꦼꦠꦼꦁꦔꦶꦁ
ꦲꦠꦶ꧈ꦩ꧀ꦧꦼꦤꦼꦂꦫꦏꦼꦤ꧀ꦩꦂꦒꦩꦸꦭꦾ꧈ ꧄ ꦮꦺꦴꦁꦢꦸꦫꦏꦲꦶꦁꦒꦸꦫꦸ
ꦲꦧꦺꦴꦠ꧀ꦱꦪꦼꦏ꧀ꦠꦶ꧈ꦥꦿꦩꦶꦭꦥꦿꦪꦺꦴꦒ꧈ꦩꦶꦤ꧀ꦠꦲꦱꦶꦃꦱꦶꦪꦁꦭ
ꦤ꧀ꦫꦠꦿꦶ꧈ꦲꦪ꧀ꦮꦔꦤ꧀ꦠꦶꦱꦸꦢꦱꦶꦃꦚ꧈ ꧄ ꦏꦥꦶꦁꦭꦶꦩꦢꦸꦤꦸꦁꦔꦺꦱꦼ
ꦩ꧀ꦧꦃꦥꦸꦤꦶꦏꦶ꧈ꦩꦿꦶꦁꦓꦸꦱ꧀ꦡꦶꦏꦁꦩꦸꦂꦧ꧈ꦲꦶꦁꦥꦠꦶꦏꦭꦮꦤ꧀ꦲꦸꦫꦶꦥ꧀
ꦲꦱꦸꦁꦱꦤ꧀ꦝꦁꦭꦮꦤ꧀ꦥꦔꦤ꧀꧈ ꧄ ꦮꦺꦴꦁꦤꦺꦁꦢꦸꦚꦮꦗꦶꦧ꧀ꦩꦤꦸ
ꦠ꧀ꦩꦫꦁꦓꦸꦱ꧀ꦡꦶ꧈ꦭꦮꦤ꧀ꦢꦶꦥꦸꦤ꧀ꦲꦮꦱ꧀ꦱꦥꦿꦠꦶꦁꦏꦃꦢꦺꦤ꧀ꦏꦲꦺꦱ꧀ꦛꦶ꧈
ꦲꦗꦢꦸꦩꦺꦃꦪꦺꦤ꧀ꦮꦸꦱ꧀ꦮꦶꦂꦪ꧈ ꧄ ꦤꦺꦴꦫꦧꦺꦢꦥꦸꦠꦿ꧇ꦱ
ꦤ꧀ꦠꦤꦩꦾꦁꦕꦶꦭꦶꦏ꧀ꦪꦺꦤ꧀ꦥꦝꦔꦮꦸꦭ꧈ ꦥꦤ꧀ꦏꦧꦺꦃꦤꦩꦤ꧀ꦤꦺ
diketik kembali oleh kenangagus